Fiziki-kimyəvi analiz metodları (DTA, RFA, MSA, mikrobərkliyin və sıxlığın ölçülməsi) ilə InAs₂S₃Se–InAs₂SSe_3,   InAs₂SSe₃–In₃As₂S₃Se₃, InAsS₃Se–In₃As₂S₃Se₃, InAs₂S₂Se₃–In₃As₂S₃Se₃, (InAs₂S₃Se)_0.70(In₃As₂S₃Se₃)_0.30 (e₄)–  (InAs₂SSe₃)_0.60(In₃As₂S₃Se₃)_0.40 (e₃) sistemlərində faza tarazlığı öyrənilmiş və hal diaqramı qurulmuşdur. Müəyyən edilmişdir ki, sonuncu istisna olmaqla, hamısı  kvazibinar olub, evtektik tiplidirlər. InAs₂S₃Se–InAs₂SSe₃ sistemi 615 K temperaturda konqruyent əriyən və tərkibi InAs₂S₂Se₂ olan yeni dördlü birləşmənin əmələ gəlməyi ilə xarakterizə olunur. InAs₂SSe₃–InAsS₃Se–In₃As₂S₃Se₃ kvaziüçlü sisteminin likvidus səthinin proyeksiyası qurulmuş, fazanın  ilkin kristallaşma sahələri,  mono- və  nonvariant tarazlıqların koordinatları  təyin  edilmişdir.