Zr/Al, Fe–Zr/Al oksid katalizatorların elektron-akseptor (EA), elektron-donor (ED) mərkəzləri, etanolun  karbohidrogenlərə konversiyası reaksiyasında bu mərkəzlərin katalitik aktiv mərkəz kimi rolu tədqiq olunmuşdur. Katalizatorların faza tərkibi rentgen difraksiyası, səthdə aktiv elementlərin paylanma mənzərəsi rentgenofluoressent mikroskopiyası, maqnit xassələri electron maqnit rezonansı spektroskopiyası və reaksiyanın qaz fazasının tərkibi qaz xromatoqrafiyası metodları ilə öyrənilmişdir. Olefinlərin alınma sürətinin elektron-akseptor (EA) mərkəzlərinin sayından asılılığı dinamikası tədqiq edilmiş və elektron-akseptor təbiətli mərkəzlərin etanolun karbohidrogenlərə konversiyası reaksiyasının aktiv mərkəzləri olduğu müəyyən edilmişdir