Bi₂–Bi₂Se₃–Bi₂Te₃  sistemində faza tarazlıqları differensial termiki analiz (DTA), rentgenfaza analizi (RFA) və skanedici elektron mikroskopiya (SEM) üsulları ilə müəyyən edilmişdir. Təcrübi nəticələr əsasında sistemin otaq temperaturunda bərkfaza tarazlıqları diaqramı, likvidus səthinin proyeksiyası və faza diaqramının bəzi politermik kəsikləri qurulmuşdur. Sistemdə fazaların ilkin kristallaşma və homogenlik sahələri, həmçinin non- və monovariant tarazlıqların tipləri və koordinatları təyin olunmuşdur. Sistemdə Bi₈Se₉–Bi₈Te₉, BiSe–BiTe və Bi₄Se₃–Bi₄Te₃ kəsikləri boyunca fasiləsiz bərk məhlul sıraları, digər bismut selenid və telluridləri əsasında isə geniş bərk məhlul sahələri aşkar edilmişdir. Qurulmuş faza diaqramları verilmiş tərkibli bərk məhlulların sintezi və monokristal halında alınması üçün istifadə edilə bilər

doi.org/10.32737/0005-2531-2024-76-88