Na- və H-forma klinoptilolitdə geniş zaman   (30 dəq ¸ 48 saat) və qatılıq  (0,01¸0,1 N) intervalında serium (III) ionlarının sorbsiyası  tədqiq olunmuşdur. İon mübadilə tarazlığı  (bərk¸maye) sistemində müvafiq olaraq  24 və 48 saat müddətində yaranır.  Ce(III) ionlarının  kinetik parametrlərinin  monoformalı klinoptilolitdə  (Na⁺ və H⁺ ionları  ilə modifikasiya olunmuş) tədqiqi zamanı daxili-diffuzion mexanizm prosesi aşkarlanmışdır. Ce(III) ionlarının Na-forma klinoptilolitdə   izotermi  qabarıq,  H-forma klinoptilolitdə isə izoterm çıxıntılarla müşayiət olunur. Bu da bizə imkan verir ki, empiric  Nikolski tənliyinin xətti- formasında  ion mübadiləsabitinin  (K >1, qabarıq; K<1, çökük) hesablanmasını həyata keçirək. Həmçinin mühitin pH-nin sorbsiya prosesinə təsiri də  tədqiq olunmuşdur

doi.org/10.32737/0005-2531-2024-70-75