Mis və palladium kationları ilə modifikasiya olunmuş sintetik NaA və CaA seolitlərinin butil spirtinin molekulyar oksigen iştirakında yağ aldehidinə oksidləşməsi reaksiyasında aktivlikləri tədqiq olunmuşdur. Müəyyən edilmişdir ki, 3 küt­lə % mis və 1 kütlə % palladium kationları ilə modifikasiya olunmuş sintetik CaA seoliti yağ aldehidinin alınması üçün effektiv katalizatordur. Alınan nəticələr butil spirtinin oksidləşməsi reaksiyasında bu seolitlərin kifayət qədər yüksək aktivliyini, selektivliyini göstərir və onların bu reaksiyada perspektiv istifadəsinin mümkünlüyünü sübut edir