Etilen istehsalında alınan yüngül qatranın emal prosesi tədqiq edilmişdir. Rektifikasiya və dondurma metodları ilə ayrılan benzolun təmizliyi 98.5%-ə qədər artırılmışdır. Emal prosesində alüminium xlorid və toluol əsasında sintez olunmuş, benzol və toluolun pirokondensatın tərkibində çoxalmasını və bununla yanaşı qiymətli məhsul olan neft-polimer qatranının alınmasını təmin edən katalizator istifadə edilmişdir.