Makromolekullarında müxtəlif karboksimetil qrupları olan karboksimetilsellülozun natrium və kalium duzları (Na-, K-KMS) laboratoriya şəraitində sintez olunmuşdur. Bu proseslərdə əsas xammal kimi təmizlənmiş ağac yonqarından və pambıqtəmizləmə zavodlarının tullantılarından istifadə edilmişdir. Alınmış məhsulların əsas istifadə sahələri kimi quyulardan emulsiya üsulu ilə neftin çıxarılması və mineral gübrə dənələrinin kapsullaşdırılması təsdiqlənmişdir. Na-KMS-nin emulsiya üsulu ilə neftçıxarmada, K-KMS-nin isə gübrə dənələrinin kapsul­laşdı­rılmasında istifadəsi prosesləri tədqiq olunmuşdur. Başqa emulqatorlarla müqayisədə Na-KMS-nin quyulardan yüksək neftçıxarma əmsalını təmin etməsi müəууən edilmişdir.