Təqdim olunan tədqiqat işində çaxir turşusu elektrolitlərindən bismut ionlarının elektrokimyəvi reduksiya prosesi tədqiq edilmişdir. Polyarizasiya əyrilərinin çəkilməsi ilə Pt elektrodu üzərində bismut ionlarının elektroreduksiya prosesinin kinetika və mexanizmi, həmçinin müxtəlif amillərin prosesə təsiri öyrənilmişdir. Əldə edilən nəticələrə əsasən elektrokimyəvi reduksiya prosesinin effektiv aktivləşmə enerjisi hesablanmışdır. Hesablamalar göstərir ki, tartrat məhlullarından bismut ionlarının elektroreduksiyası elektrokimyəvi polyarizasiya ilə müşayiət olunur.