Məqalədə alüminium hidroksid hidrogelinin iştirakı ilə  sənaye alüminium tozlarının sonradan İYT sahəsində reaksiyada bişirilməklə  hidrotermal işlənilməsi yolu ilə mikrodalğalı şüalanmanı aktiv udan məsaməli Al/Al₂O₃ – daşıyıcıların alınma imkanının tədqiqat nəticələri göstərilmişdir. Nümunələrin termiki işlənilməsi (bişirilmə) EM-G5593V (Panasonic) markalı mikrodalğalı sobanın bazasında quraşdırılmış qurğuda, 2450 MHs işçi tezlikdə, şüalanma generatorunun 800 Vt maksimal giriş gücü ilə  həyata keçirilirdi. Müəyyən edilmişdir ki, İYT sahəsində termiki işlənilmə zamanı  Al/Al₂O₃ daşıyıcıların məsaməli strukturunun formalaşma prosesləri alüminium-oksid matrisalarının ənənəvi qızdırılma şəraitində formalaşma sürətindən əhəmiyyətli dərəcədə yüksək olan sürətlə baş verir. Tekstur xarakteristikalara əsasən sintezləşdirilmiş kompozitlər ifratyüksək tezlikli (2,45 GHs) elektromaqnit sahəsi ilə stimullaşdırılan reaksiyaların katalizatorları üçün  potensial daşıyıcılar kimi istifadə edilə bilər