Pb–Bi–Te–Se dördlü sistemində faza tarazlıqları PbBi₂Te₄–²PbBi₂Se₄² politermik kəsiyi üzrə təcrübi olaraq differensial termiki analiz və rentgenfaza analizi üsulları ilə tədqiq edilmişdir. Müəyyən edilmişdir ki, qeyd olunan kəsik qeyri-kvazibinar olub, geniş qatılıq intervalında PbBi₂Te₄ əsasında tetradimit quruluşlu bərk məhluların əmələ gəlməsi ilə xarakterizə olunur. PbBi₂Te₄–²PbBi₂Se₄² politermik kəsiyi mürəkkəb faza tarazlığı mənzərəsinə sahibdir ki, bu da onun mənsub olduğu PbTe–PbSe–Bi₂Se₃–Bi₂Te₃ qarşılıqlı sisteminin xüsusiyyətləri ilə bağlıdır. Bu kəsik üzrə baş verən bütün tarazlıq proseslərini müəyyən etmək üçün həmin qarşılıqlı sistemin geniş qatılıq və temperatur intervalında öyrənilməsi vacibdir

doi.org/10.32737/0005-2531-2019-4-54-58