Differensial termiki və rentgenfaza anlizləri üsulları ilə SnSb₂Te₄-SnBi₂Te₄ sistemində faza tarazlıqları öyrənilmiş və faza diaqramı qurulmuşdur. Müəyən edilmişdir ki, sistem ilkin birləşmələrin inkonqruent ərimələri səbəbindən qeyri-kvazibinardır, lakin solidusdan aşağıda stabildir və tetradimitə bənzər heksaqonal quruluşa malik fasiləsiz bərk məhlul sırası əmələ gətirir.  Sistemin likvidusu SnTe birləşməsi əsasında bərk məhlulun (α-faza) ilkin kristallaşma əyrisindən ibarətdir. Likvidusdan aşağıda L+α↔γ peritektik reaksiyası üzrə SnSb₂Te₄ və SnBi₂Te₄ birləşmələri arasında bərk məhlul (γ-faza) əmələ gəlir. Ovuntu diffraktoqramları əsasında bərk məhlulların qəfəs parametrləri hesablanmış və müəyyən edilmişdir ki, onlar tərkibdən xətti asılıdırlar

doi.org/10.32737/0005-2531-2019-4-6-10