Vinilfosfon turşusunun dietil efiri ilə  akril turşusunun  sopolimeri  və kobalt duzları əsasında  alınmış etilbenzola  köklənmiş  kobalt polimer  kompleksləri iştirakı ilə alkilaromatik karbohidrogenlərin xüsusən, etilbenzolun  maye fazada  oksidləşməsi reaksiyası öyrənilmişdir.Reaksiya həlledici olmadan 90⁰C temperaturda,    atmosfer təzyiqində temperaturu tənzimləyən şüşə reaktorda aparılmışdır. Oksidləşmə prosesi oksigenin barbotaj üsulu ilə reaksiya kütləsindən keçirilməsi yolu ilə baş tutur. Göstərilmişdir ki, polimerin etilbenzola   köklənməsi  reaksiya məhsullarının alınma sürətini  əhəmiyyətli dərəcədə artırır. Müəyyən edilmişdir ki,  prosesin  heterogen-homogen  mexanizmi  radikalların səthdə əmələ gəlməsi, onların da öz növbəsində  maye fazaya keçərək, radikal-zəncir mexanizmi ilə reaksiya məhsullarına  çevrilməsi müəyyən edilmişdir. Kompleksin α-feniletil hidroperoksidinə köklənmə prosesinin xüsusiyyətləri tədqiq olunmuşdur.Aparılan tədqiqatların  nəticəsində α-feniletil hidroperoksidi, metilfenilkarbinol və asetofenon alınmışdır

doi.org/10.32737/0005-2531-2022-2-6-10