Məqalədə 6Ag₂Se+Ag₈SiTe₆«6Ag₂Te+Ag₈SiSe₆ qarşılıqlı sistemində faza tarazlıqlarının  DTA və RFA üsulları ilə tədqiqinin nəticələri təqdim olunur. Sistemin likvidus səthinin proyeksiyası, faza diaqramının 300, 500, 1150 K-də izotermik kəsikləri və bəzi politermik kəsikləri qurulmuşdur. Göstərilmişdir ki, sistem dönər-qarşılıqlıdır və Ag₈SiSe₆-Ag₈SiTe₆ (d) və Ag₂Se-Ag₂Te (a) sərhəd sistemləri boyunca fasiləsiz yüksəktemperaturlu bərk məhlul sıralarının əmələ gəlməsilə xarakterizə olunur. Sistemin likvidus səthi a- və d-fazaların ilkin kristallaşmasına uyğun gələn iki sahədən ibarətdir. Bu sahələr L«a+d monovariant tarazlığını əks etdirən evtektika əyrisi ilə sərhədlənirlər. Subsolidusda ilkin birləşmələrin və onların əsasında fazaların polimorfizmi ilə əlaqədar olan mürəkkəb qarşılıqlı təsir müşahidə olunur

doi.org/10.32737/0005-2531-2023-3-6-17