Məqalə 1-metiltsiklopentenin maye fazada oksidləşdirilməsindən alınan oksigenli birləşmələrdən katalitik üsulla 2-metiltsiklopentanon və metiltsiklopentadienlərin birgə alınma reaksiyasının tədqiqinə həsr edilmişdir. Aparılan təc­rübələrdən məlum olmuşdur ki,  bu oksidat kütləsinin 2% miqdarında KOH-la işlənilmiş aktiv Al₂O₃  katalizatoru səthindən keçirildikdə 2-metiltsiklopentanon və ikiqat rabitələri 1,3-vəziyyətdə olan metiltsiklopentadienlərə çev­rilirlər. Reaksiyadan alınan bu birləşmələrin optimal əmələgəlmə şəraiti tapılmışdır. Müəyyənləşdirilmişdir ki, ok­si­datdan alınan məqsədyönlü birləşmələrin ən yüksək çıxımı reaksiyanın temperaturu 340⁰C, onun katalizator səthinə verilən həcm sürəti 0.5–0.6 saat^-1 olduqda baş verir. Bu şəraitdə 1-metiltsiklopentenin maye fazada oksid­ləş­di­ril­mə­sindən alınan oksigenli birləşmələr – 1-metiltsiklopenten oksidi və metiltsiklopentenollar istifadə edi­­lən katalizator səthində tam dəyişikliyə uğrayaraq 30–33% 2-metiltsiklopentanona və 60–62% metiltsiklo­pentadienlərə çevrilirlər