Sn-Sb-Te üçlü sisteminin SnTe-Sb₂Te₃-Te hissəsində faza tarazlıqları differensial termiki (DTA), toz rentgenfaza (RFA) və mikroquruluş analiz metodlarından istifadə etməklə təcrübi olaraq öyrənilmişdir. Əldə olunmuş təcrübi nəticələr və ədəbiyyat məlumatları əsasında 500 K-də izotermik kəsik, likvidus səthinin proyeksiyası və faza diaqramının bir neçə politermik kəsiyi qurulmuşdur. Sistemin 500 K-də faza diaqramında 2 birfazalı, 2 ikifazalı və 3 üçfazalı sahə mövcuddur. Likvidus səthinin proyeksiyası 5 fazanın ilkin kristallaşma sahəsindən təşkil olunmuşdur. Bütün fazaların ilkin kristallaşma sahələri, non və monovariant tarazlıqların tip və koordinatları müəyyənləşdirilmişdir. Əldə olunmuş təcrübi nəticələr Sn-Sb-Te əsaslı ərintilərin dizayn edilməsi üçün önəmlidir.

doi.org/10.32737/0005-2531-2024-2-44-52