Polietilenamin iştirakı ilə polivinilxlorid əsasında alınmış sulfokationmübadilə qatranının aminləşdirilməsindən yeni amin və sulfoqruplu poliamfolit alınmışdır. Müəyyən olunmuşdur ki, bu reaksiya 1,1 tərtiblidir, aktivləşmə enerjisi 70 kc/mol təşkil edir. Skanedici electron mikrofotoqrafiya, enerjidispers rentgen, İQ spektr analizi aparılmış, rəngli metal ionlarının poliamfolitlə udulmasının izotermləri və kinetikası tədqiq olunmuşdur. Sorbsiyanın təbiətini araşdırmaq üçün müxtəlif termodinamik parametrlər – izobar-izotermik potensial, entalpiya, entropiya – hesablanmışdır. Nəticələrdən məlum olmuşdur ki, amin- və sulfoqruplu poliamfolit müxtəlif aralıq metal ionlarının seçici udulmasında yüksək selektivliyə malikdir.

doi.org/10.32737/0005-2531-2025-3-24-32