Təqdim etdiyimiz məqalə təbii qazın mövcud yüksəktemperaturlu sintez-qazına oksidləşməsi prosesləri ilə müqayisədə daha səmərəli olan hidrogen peroksidlə katalizator istifadə etmədən tərkibində zəhərli CO qazı olmayan hidrogentərkibli qaza çevrilməsi üsuluna həsr olunmuşdur. Proses hidrogen peroksidin 10-35% sulu məhlulundan istifadə etməklə 860-900°C temperaturda axınlı kvars reaktorda aparılmışdır. Hidrogen peroksidin induksiyaedici təsir effekti 880°C temperaturda 15%-li hidrogen peroksidlə təbii qazın tam konversiyasında hidrogenin (74%) və CO₂ (24.5%) qazının yüksək çıxımları ilə, tərkibində CO qazı olmayan hidrogentərkibli qazın alınmasını mümkün etmişdir ki, bu da, CO₂-nin ayrılmasından sonra CO qazının konversiyası aparılmadan alınan hidrogenin energetikada və kimyəvi birləşmələrin, xüsusilə, ammonyakın alınmasında istifadə edilməsinə imkan verir. Metanın qoşulmuş oksidləşməsinin aralıq məhsulları CH₂O, və  olan sərbəst-radikallı zəncirvari mexanizmi verilmişdir. Təqdim olunan mexanizm əsasında reaksiyanın eksperimental təsdiq edilmiş kinetik tənliyi tərtib olunmuşdur.

doi.org/10.32737/0005-2531-2025-4-96-105