Təqdim olunan iş propantriolun-, polioksixlorpropilentriqlisidil efirlərinin (met)akril turşuları ilə qarşııqlı təsir  reaksiyası sayəsində tərkibində şaxələnmiş quruluşlu, aşağı özlülüyə malik  epoksi(met)akrilat oliqoefirləri  saxlayan yeni modifikatorların sintezinə, onların optimal alınma şəraitinin müəyyən edilməsinə və onlar əsasında  yüksək istismar göstəricilərinə malik müxtəlif təyinatlı yeni hibrid epoksid kompozisiyalarının alınmasına və xassələrinin tədqiqinə həsr  edilmişdir. Epoksimetakrilat oligoefirinin sintezi  metakril turşusu ilə üçşüalı triepoksidin efirləşməsi yolu ilə həyata keçirilmişdir. Efirləşmə şəraitinin reaksiya məhsullarının tərkibinə və çıxımına təsiri öyrənilmişdir. Göstərilmişdir ki, reaksiya şərtlərini dəyişdirdikdə proses əsasən, mono-, di - və trimetakril oligoefirlərin alınmasına yönəldilə bilər. Sintez edilmiş epoksimetakrilat oligoefirləri, epoksid qatranında  modifikator kimi istifadə olunur. Epoksidian qatranı ED-20 və  sintez edilmiş epoksi(met)akrilat oligoefirləri  əsasında öz-özünə sönən kompozisiyalar alınmışdır. Bu kompozisiyaların amin- və anhidrid- bərkidicilərlə bərkdilməsindən  əldə edilən materiallar yüksək fiziki-mexaniki, adgeziya və istilikfiziki xassələri ilə xarakterizə olunur.

doi.org/10.32737/0005-2531-2025-4-34-41