Tədqiqat işində turş elektrolitdən sürmə ionlarının elektroreduksiya prosesi öyrənilmişdir. Tsiklik polyarizasiya əyrilərinin çəkilməsi ilə müxtəlif elektrodlarda sürmə ionlarının elektroreduksiya potensial oblastı müəyyən edilmişdir. Sürmə ionlarının elektroreduksiya prosesinə bir neçə amilin təsiri də öyrənilmişdir. Müəyyən edilmişdir ki, temperaturun artması sürmə ionlarının elektroreduksiya sürətini artırır. Bundan əlavə, polyarizasiya əyriləri fırlanan platin disk elektrodu istifadə edilərək çəkilmişdir. Əldə edilən məlumatlar, yəni ip-in elektrodun fırlanma sürətindən (ω) xətti asılılığı, sürmə ionlarının elektroreduksiya prosesinin diffuzion kinetikası ilə müşayiət olunduğunu təsdiqləyir. Müxtəlif potensiallarda cərəyan sıxlığının elektrodun fırlanma sürətindən asılılığı da bu nəticəni təsdiq edir.