n-Butenin qaz fazada metiletilketona molekulyar oksigenlə oksidləşməsi reaksiyasında tərkibində seolitin çəkisinə görə  45% Ca²⁺, 1.5% Pd²⁺ və 6%  Cu²⁺ kationları olan PdCuCaNaY katalizatorunun aktivliyinə su buxarının təsiri öy­rə­nilmişdir. Müəyyən edilmişdir ki, təcrübədən əvvəl katalizatorun su buxarı ilə işlənilməsi onun aktivliyini nəzərə çarpacaq dərəcədə artırır və C_H2O = 20% miqdarında su buxarı ilə adsorbsiya olunmuş katalizator metil­etil­ke­to­nun alınması reaksiyasında daha yüksək stasionar aktivlik və selektivliyə malikdir. Reaksiya mexa­nizminin metiletil­ketonun alınmasında su molekulunun bilavasitə iştirakını göstərən mərhələli sxemi verilmişdir