Fiziki-kimyəvi analiz metodları (DTA, RFA, MQA, eləcə də sıxlığın və mikrobərkliyin ölçülməsi) vasitəsilə (SnTe)_1-x(Ag₂Te)_x (x=0.01, 0.02, 0.05)  sistemində kimyəvi qarşılıqlı təsirin xarakteri tədqiq  edilmişdir. Müəyyən edilmişdir ki, otaq tem­peraturunda SnTe əsasında 5 mol% Ag₂Te həll olur. 1, 2 və 5 mol % Ag₂Te tərkibli bərk məhlul ərintilərinin elek­trofiziki və istilik xassələri öyrənilmişdir. 1, 2 və 5 mol % Ag₂Te ərintilərinin elektrik keçiriciliyinin temperatur asılılığı metallik xarakter daşıyır. Cərəyan yükdaşıyıcıların konsentrasiyasının azalması, deməyə əsas verir ki, SnТe-dan  (SnТe)_1-x(Ag₂Te)_x bərk məhluluna keçdikdə yükdaşıyıcıların kompensasiyası baş verir.