Məqalədə dispers mühitin halının, hissəciklərin fiziki xassələrinin dəyişməsi və strukturlaşma ilə müşaiyət olunan neftli dispers sistemlərin reologiyasının problemləri analiz edilir. Asfaltenlərin hissəciklərinin koaqulyasiyası və  nanoaqreqatların ölçülərinin hesablanması üçün modellər təklif olunmuşdur. Strukturun dağılması şərtlərinə baxılmış və Maksvell tənliyi nəzərə alınmaqla neftli dispers sistemlərin filtrasiyasının reoloji modelləri və özlülük və mütəhərrikliyin dəyişməsini təsvir edən modellər təklif olunmuşdur. Modellər əsasında alınmış nəticələr, təcrübi nəticələr ilə müqayisəli şəkildə təqdim edilmişdir.