Verilmiş icmalda təbii və sintetik polimerlər mühitində gümüşün davamlı nanohissəcikləri alınmış və gümüş ionlarının sulu məhlulunda reduksiyasının formalaşma mexanizmi, eyni zamanda, müxtəlif faktorların nanoölçülü metal hissəciklərinin aqreqasiya olunmasına, ölçülərinə və davamlılığına təsiri öyrənilmişdir. Müəyyən olunmuşdur ki, gümüş nanohissəciklərinin plazma udma zolağının forması, vəziyyəti və intensivliyi alınma şəraitindən asılıdır. İşdə istifadə olunan skanedici elektron mikroskopiya, rentgenfaza analizi və UB-spektroskopiya üsulları nanohissəciklərin polimerdə paylanmasını, forma və ölçülərini öyrənməyə  imkan yaradır, həmçinin, nanohissəciklərin metal halında identifikasiya olunmasını təmin edir.