Sənaye tullantı sularındakı tərkibə uyğun modelləşdirilmiş məhlullardan kobalt (Co²⁺) və kadmium (Cd²⁺) ionlarının Na-klinoptilolit, Na-bentonit və sintetik ion-mübadilə kationiti olan КУ-2-8-də sorbsiya prosesinin qanunauyğunluqları tədqiq olunmuşdur. Sorbsiya prosesinə məhluldakı ionların qatılığı, mühitin temperaturu və sorbentin dənəvərliliyinin təsiri öyrənilmişdir. Eksperimentin nəticələrinə əsasən bir sıra kinetik parametrlərin hesablanması həyata keçirilmişdir. Məhlullarda sorbsiya prosesinin kinetik tədqiqinin nəticələri prosesin getmə sürətinə təsir edən amilləri aşkar etməyə imkan vermişdir.