Alkilfenolun formaldehid və aminosirkə və ya р-aminobenzoy turşuları ilə kondensləşmə məhsulu olan yüksək qələvili karbonatlaşmış kalsium duzlarından ibarət çoxfunksiyalı ИХП-150 və ИХП-156 aşqarlarının aralıq və son məhsulları termiki analiz üsulu ilə tədqiq olunmuşdur. Öyrənilən aşqarların termooksidləşmə stabilliyinin 360⁰C-yə çatdığı aşkar olunmuşdur. Göstərilmişdir ki, alkilfenolun formaldehid və aminosirkə və ya p-aminobenzoy turşuları ilə mərhələli kondensləşməsindən alınan aşqarlar birgə kondensləşmədən alınan aşqarlarla müqayisədə daha yüksək termostabilliyə və antioksidləşmə effektivliyinə malikdirlər. ИХП-150 və ИХП-156 aşqarları termooksidləşmə stabilliyinə görə müqayisə üçün tədqiq olunmuş ВНИИНП 714 və МАСК sənaye aşqarlarından daha üstündür