Pambıq yağı triqliseridlərinin monoetanolaminlə qarşılıqlı təsirindən pambıq yağı turşu fraksiyasının monoetilolamidi alınmış və ortofosfat turşusu ilə fosfatlaşdırılmışdır. Bu fosfat törəməsinin sonradan mono-, di- və trietanolaminlə reaksiyalarından müvafiq etanolamin kompleksləri sintez edilmişdir. Alınmış komplekslərin quruluşu və tərkibi NMR (¹H və ¹³C) və İQ spektroskopiya üsulları ilə təsdiqlənmişdir. Etanolamin komplekslərinin bəzi fiziki-kimyəvi gös­tə­ri­ciləri təyin edilmiş, stalaqmometrik üsulla onların su-kerosin sərhədində yüksək səthi aktivliyə malik olduğu gös­tərilmişdir. Laboratoriya sınaqları nəticəsində müəyyən edilmişdir ki, bu komplekslər qüvvətli neftyığıcılıq və neft­dispersləmə xassələrinə malikdir. Bu onların tətbiqi ilə su səthindən nazik neft təbəqələrini kənar etməyə imkan verir.