Oksidləşmiş maye kauçuk, təbii neft turşularının (TNT) 310-3600C temperaturda qaynayan fraksiyasının Ni, Co, Zn, Mg və Ba duzları və C14H28 α-olefinləri əsasında alınmış nitrobirləşmələrin iştirakı ilə T-30 turbin yağında müxtəlif nisbət və tərkiblərdə kompozisiyaları hazırlanaraq konservasiya mayeləri kimi tədqiq olunmuşdur. Tədqiqatlar inhibitorun müxtəlif qatılığında ²corrosionbox² adlı təcrübə kamerasında kondensasiya və ətraf mühit olmaqla iki fazada, polad lövhələr üzərində sınaqdan keçirilmişdir. Müəyyən olunmuşdur ki, sintez olunmuş inhibitorun nitrobirləşmə ilə oksidləşmiş maye kauçuk iştirakında kompozisiyasından alınmış konservasiya mayesi onların fərdi istifadəsinə nəzərən korroziyadan daha yüksək mühafizə effekti göstərir, konservasiya mayelərinə qoyulan tələbləri ödəyir və böyük praktik əhəmiyyət kəsb edir.