Sürünən   dəmirtikan bitkisindən alınmış polyar steroid qlikozidlərin birinci nümayəndəsi olan və şərti adlandırılan D qlikozidinin kimyəvi quruluşunu müəyyən etmək üçün eksperiment tədqiqatların nə­ticələri şərh edilir. Klassik kimyəvi və fiziki-kimyəvi tədqiqat üsulları əsasında müəyyən edildi ki, D qlikozidi diosgeninin tetraozidi olub karbohidrat zəncirinin tərkibinə hər birindən 2 molekul olmaqla D-qlükoza və L-ramnoza daxildir. Qlikozidin kimyəvi quruluşu: diosgenin 3-O-β-D-qlükopiranozil-(1→4)-O-α-L-ramnopiranozil-(1→2)-O-[α-L-ramnopiranozil-(1→4)]-O-β-D-qlükopiranozid.