Funksional  materialların yeni unikal sinfi – topoloji izolyatorlar (Tİ) haqqında ədəbiyyat məlumatları və bizim tədqiqatlarımızın nəticələri fiziki-kimyəvi analiz və kristallokimya baxımından sistemləşdirilmişdir. Müvafiq sistemlərin faza diaqramlarına və Tİ-lərin əsas tiplərinin kristal quruluşlarına həsr olunmuş işlərə xüsusi diqqət yetirilmişdir. Göstərilmişdir ki, Tİ xassələrinə malik yeni fazaların axtarışı və dizaynı üçün bir sıra sistemlərin, xüsusən B^V–Se(Te) və A^IV–B^V–Te (A^IV – Ge, Sn, Pb; B^V – Sb, Bi) sistemlərinin faza diaqramlarına yeni yanaşmalar tətbiq etməklə təkrar baxılmalıdır. Həmçinin məlum binar və üçlü Tİ birləşmələr əsasında mürəkkəb sistemlərin sistematik tədqiq olunması vacibdir.