Y₂O₂S–Eu₂O₂S–Ga₂S₃ kvaziüçlü sistemində Y₂O₂S kristallaşma səthinin 1200–2400 К temperatur inter­valında hesablanması və modelləşdirilməsi üçün tənlik alınmışdır. Tənlik Y₂O₂S–Ga₂S₃, Y₂O₂S–Eu₂O₂S  sistemlərində Y₂O₂S likvidus əyrilərinin  analitik ifadələrindən və üçlü sistemdə komponentlərin qarşılıqlı təsirini nəzərə almaq üçün məhdud DTA ölçmələrinə əsaslanan funksiyadan ibarətdir. Bu tənliklə Y₂O₂S  kristallaşma  səthi  likvidus temperaturunun tərkibdən asılılığı şəklində modelləşdirilmişdir.