Ayrı-ayrı vaxtlarda götürülmüş neft nümunələrinin tərkiblərinin kəskin dəyişməsi ılə əlaqədar qaynama başlanğıcı və aromatik karbohidrogenlərin miqdarının əsaslı dərəcədə fərqlənməsi müəyyən edilmişdir.  Buna səbəb ayrı-ayrı quyu neftlərinin  tərkibinin fərqli olması və hansı quyunun işləməsindən asılı olaraq, ümumi tutumda neftin tərkibinin dəyişməsidir. Müəyyən edilmişdir ki, 5 dərəcəlik fraksiyalardan 305–310, 420–425, 430–435, 435–440 və  440–445⁰С-də qaynayan fraksiyaların çıxımı daha çoxdur. Müalicəvi Naftalan neftinin qaynama başlanğıcı 365–550⁰C  arasında olan dar fraksiyalarının donma temperaturlarının mənfi 50⁰C-dən aşağı olması həmin fraksiyalarda olan çoxhalqalı naften karbo­hid­rogenlərinin olması ilə əlaqədardır.