Malein anhidridi, stirol və 1,4-di(4-izopropenilfenoksi)butan əsasında alınmış birgə polimerin çıxı­mına və şişmə dərəcəsinə tikici agentin miqdarının təsiri öyrənilmiş və müəyyən olunmuşdur ki, so­nun­cunun miq­darının artması ilə tikili polimerin çıxımı və şişmə dərəcəsi azalır. Belə ki, 1,4-di(4-izopro­penil­fen­ok­si)butanın 2 və 10 mol % miqdarında çıxım uyğun olaraq 98 və 89.6 %, şişmə dərəcəsi isə 680.0 və 260.2% təşkil edir. Tədqiqatlar nəticəsində tikici agentin 10 mol % miqdarında alınmış hidroliz olun­muş bir­gə polimerlə uranil ionlarının sorbsiya prosesinə kənar Ra²⁺ və Th⁴⁺ ionlarının nəzərə çarpacaq maneçilik göstərmədiyi müəyyən olunmuşdur.