Məqalədə  təbii gil və klinoptilolit əsasında alınan  katalizatorların koksəmələgəlmə qanunauyğunluqlarının  tədqiqinə aid təcrübi işlərin nəticələri verilmişdir. Katalizatorun səthində  koksəmələgəlmə (koksyığılma) məhsullarının xarakteri və miqdarı, həmçinin onların oksidləşdirici regenerasiyasının  optimal şəraitinin tədqiqi nöqteyi-nəzərdən seçilən katalizator nümunələri differensial-termoqravimetrik analiz metodu (DTA və DTQ) ilə öyrənilmişdir. Hidrogenləşmə- hidrokrekinq  katalizatorlarına  qoyulan əsas tələb katalizatorların  mexaniki davamlılığı və aktivliyi  olduğu üçün, təbii daşıyıcılar əsasında hazırlanmış katalizatorların mexaniki davamlılığı öyrənilmişdir. Daşıyıcının tərkibinə əlaqələndirici komponent  kimi xam bentonit gilinin (~20%) daxil edilməsi katalizatora yüksək mexaniki davamlılıq verir. Stabilliyin, aktivliyin və mexaniki davamlılığın tədqiqi, onların aromatik konsentratların hidrogenləşdirici emalı ilə benzolun alınması prosesində  istifadəsinin praktiki mümkünlüyünü göstərir.