Termodinamiki hesablamalarla və təcrübi ədəbiyyat materialının analizi ilə Cu–Pb–Te sistemində fazaların ilkin kristallaşma səthləri, non- və monovariant tarazlıqların tipləri və koordinatları təyin edilmiş, sistemin trianqulyasiyası və likvidus səthinin proyeksiyası qurulmuşdur. Müəyyən edilmişdir ki, Cu–Pb–Te sistemində üçlü birləşmə əmələ gəlmir, bərk halda aşağıdakı alt sistemlərə bölünür: Cu–PbTe–Pb, Cu–Cu2-xTe–PbTe, Cu2-xTe–Cu5Te3–PbTe, Cu5Te3–Cu3-хTe2–PbTe, Cu3-хTe2–CuTe–PbTe, CuTe–Te–PbTe. Üçlü sistemin binar sərhəd sistemlərinin faza diaqramları və az sayda DTA ölçmələrindən istifadə etməklə OriginLab kompüter proqramı vasitəsi ilə PbTe, СuTe, Cu2-xTe, Cu3-хTe2, Cu5Te3 birləşmələrinin kristallaşma səthi və maye fazada təbəqələşmə hüdudları 3D modelləşdirilmişdir. Üçüncü komponentin miqdarının artması ilə təbəqələşmənin böhran temperaturu azalır. Cu–Pb–Te sistem üçün müəyyən olunmuş 3D model müvafiq analitik funksiyaları və cədvəl dəlillərini matrisa şəklində saxlayır