S-alkilarilfosfat və O-butil-S-tolilksantogenatlar əsasında alınmış yeni tənzimləyici (iniferterlər RAFT) iştirakı ilə butil- və  2-etilheksilakrilatların radikal  polimerləşməsi reaksiyaları tədqiq edilmişdir. İnisiator kimi benzoilperoksid istifadə edilmişdir. Müəyyən edilmişdir ki, polimerləşmə 80⁰C-də aparıldıqda iniferterlərin miqdarının artması ilə alınan polimerin molekul kütləsi  və MKP kimi göstəricilərinin azalması baş verir. İniferterlərin  iştirakında BP miqdarının artımının  MK və MKP göstəricilərinə təsiri müşahidə olunmur. Bu onu göstərir  ki, iniferterlər polimer zəncirinə  birləşərək onun sonrakı polimerləşmə proseslərində iştirakına mane olur. Alinmiş polimerlərin mineral və sintetik yağların özlülük xassələrinə təsiri öyənilmişdir