Propargil bromidin Et₃N, K₂CO₃ və CuCl-dən ibarət katalitik sistem iştirakında dimetilformamid mühitində mo­noəvəzli asetilen spirtləri ilə qarşılıqlı təsiri əsasında metilen fraqmenti ilə ayrılmış diasetilen spirtlərinin sintezinin mümkünlüyü öyrənilmişdir. Göstərilmişdir ki, sintez olunmuş diasetilen spirtləri və onların qlisid efirləri hidroksil və epoksid qrupları  üzrə müxtəlif kimyəvi çevrilmələrə daxil olaraq yeni funksional törəmələr əmələ gətirirlər.