Potensiometrik titrləmə metodu ilə neodiumun(III) pentan-2,4-dionun azotörəmələri – 3-(2-hidroksi-3-sulfo-5-nitrofenilhidrazo)pentan-2,4-dion (L₁), 3-(2-hidroksi-3,5-disulfofenilhidrazo) pentan-2,4-dion (L₂), 3-(2-hidroksi-3-sulfo-5-xlorfenilhidrazo)pentan-2,4-dion (L₃), 3-(2-hidroksi-4-nitrofenilhidrazo)pentan-2,4-dion (L₄) və 3-(2-hidroksifenilhidrazo)pentan-2,4-dion (L₅)-lə əmələ gətirdiyi komplekslərin davamlılıq sabitləri təyin edilmişdir: L₅>L₄>L₃>L₂>L₁. Spektrofotometrik metodla  neodimiumun(III) L_1-3-lə kompleksəmələgətirməsi  tədqiq edilmişdir. Müəyyən edilmişdir ki, molekulun aromatik hissəsinə daxil edilmiş funksional qrupların mənfi induktiv effekti artdıqca kompleksəmələgəlmə reaksiyasının optimal şəraiti daha turş mühitə doğru sürüşür və onlar Nd:L=1:2 nisbətinə təsir etmir. Kompleksəmələgəlmə reaksiyasına kənar ionların və pərdələyici maddələrin təsiri öyrənilmişdir. Neodimiumun(III) dağ süxurlarında fotometrik təyini metodikası işlənilmişdir.