Təqdim olunan işdə etanolun hidrogenə buxar konversiyası reaksiyasında müxtəlif tərkibli binar sink–kobalt oksid katalizatorlarının aktivliyi öyrənilmişdir. Müəyyən edilmişdir ki, alçaq temperaturlarda reaksiya məhsulları asetaldehid və aseton, eyni zamanda yüksək temperaturlarda hidrogen və karbon qazı hesab edilir. Göstərilmişdir ki, hidrogenin əmələ gəlməsi reaksiyasında Zn:Co=2:8 və 9:1 tərkibli nümunələr yüksək aktivlik nümayiş etdirir. Tədqiq edilmiş katalizator üzərində hidrogenin çıxımı 74.3% etanolun isə konversiyası 95%-dir