Kobaltlı filizlərin həllolması metodu ilə Co ayrılmasının  kinetikası tədqiq edilmişdir. Kimyəvi analiz metodları  ilə kobalt, dəmir, kalsium, manqan və maqneziumun  oksidlərinin ammonium xloridlə qarşılıqlı təsirdə olaraq ammonium xlorid kompleksləri əmələ gətirərək, termiki ardıcıllıqla sadə xloridlərə parçalandığı sübut edilmişdir. Kobaltın optimal çıxımı 300⁰С temperaturda 160 dəq müddətində 94% təşkil edir. Prosesin mexanizminin açılması üçün termoqravimetrik və rent­genfaza analiz metodlarının nəticələrindən istifadə edilmişdir. Kobaltlı birləşmələrin ammonium xloridlə xlor­laş­masının sərbəst enerjilərinin  qiymətləri hesablanmışdır. Gibbs enerjisinin qiymətinin temperaturdan asılı olaraq dəyiş­məsinin hesablanmış qiymətləri verilmişdir. Hesablamalardan da göründüyü kimi CoCl₂ birləşməsinin alınması termodinamiki  cəhətdən  mümkündür.Alınmış məhlullardan kobaltın və onu müşayət edən elementlərin pH-dan asılı olaraq çökdürülərək bir-birindən ayrılma şəraiti öyrənilmişdir

https://doi.org/10.32737/0005-2531-2019-3-88-94