İşdə butadien-nitril kauçukunun miqdarının və temperaturun random polipropilen əsasında polimer qarışıqlarının axma əyrilərinə təsirinin tədqiqinin nəticələri verilmişdir. Polimer qarışıqlarının texnoloji uyğunluğunun yaxşılaşdırılması üçün kompatibilizator kimi polipropilenin malein anhidridi ilə tikilmiş birgəpolimerindən istifadə olunmuşdur. Ərintinin özlülüyünün temperaturdan və yerdəyişmə sürətindən asılılığı göstərilmiş, özlü axmanın aktivləşmə enerjisi müəyyən olunmuşdur. Real emal şəraitinə yaxın yüksək yerdəyişmə sürətlərində polimer qarışıqlarının effektiv özülüyünün qiymətini proqnozlaşdırmağa imkan verən polimer qarışıqların özlülük xassələrinin ümumiləşdirilmiş temperatur-invariant xüsusiyyəti qurulmuşdur

doi.org/10.32737/0005-2531-2021-1-23-29