Bütün riyazi hesablamalar cərəyan sıxlığı, əsas komponentlərin qatılığı, temperatur və s. kimi çökmə prosesinə təsir edən amillərin öyrənilməsi ilə Optum ME proqram paketindən istifadə etməklə həyata keçirilmişdir. İki metalın birgə çökməsi zamanı optimal elektroliz şəraiti və elektrolitin tərkibini çoxsaylı təcrübələr aparmaqla müəyyən etmək olar. Lakin reqressiya tənliyindən istifadə etməklə, prosesin riyazi modelini quraraq bunun qarşısını almaq olar. Reqressiya tənliyini qurarkən üç asılı olmayan dəyişən seçilmişdir. Çöküntüdə molibdenin miqdarı asılı olmayan dəyişən kimi seçilmişdir. Əldə edilmiş reqressiya tənliyi nikelin molibden ilə birgə çökmə prosesini bütövlükdə ifadə edir və elektrokimyəvi üsulla tələb olunan tərkibdə ərintilərin istehsalı zamanı işlərin planlaşdırılmasında istifadə edilə bilər 

doi.org/10.32737/0005-2531-2021-3-6-11