Cu₂Se–SnSe–Sb₂Se₃ kvazi-üçlü sistemində faza tarazlığı diferensial termiki və rentgen faza  analizi üsulları ilə tədqiq edilmişdir. Sistemin 300 K temperaturda bərk faza tarazlığı, bəzi politermik kəsikləri və likvidus səthinin proyeksiyası qurulmuşdur. Fazaların ilkin kristallaşma sahələri, mono- və non variant tarazlıqların koordinatları  müəyyən edilmişdir. SnSe–CuSbSe₂ kvazibinar kəsiyinin faza diaqramı dəqiqləşdirilmişdir. Müəyyən edilmişdir ki, peritektik reaksiya nəticəsində sistemdə CuSnSbSe₃ dördlü birləşmə əmələ gəlir və ~ 650–723 K temperatur intervalında  mövcuddur. Bundan əlavə, tədqiq olunan Cu₂Se–SnSe–Sb₂Se₃ sistemində SnSe, Sb₂Se₃, CuSbSe₂ və SnSb₂Se₄ birləşmələri əsasında məhdud bərk məhlul sahələri də aşkar edilmişdir

doi.org/10.32737/0005-2531-2022-1-73-82