Aşağı olefinlərin və parafinlərin neft-kimya sənayesinin vacib məqsədli məhsullarına oksidləşdirici çevrilməsi reaksiyaları üçün yüksək səmərəli katalizatorların işlənib hazırlanması məqsədilə sintetik (NaY) və təbii (təmiz və delüminləşdirilmiş klinoptilolit və mordenit) seolitlər əsasında bir sıra metal seolit katalizatorları yaradılmışdır. Katalizatorlar ion mübadiləsi yolu ilə müxtəlif metal kationları ilə sintez edilmişdir. Müəyyən edilmişdir ki, sintetik NaY seolit əsasında hazırlanmış metal seolit katalizatorları etilen və propilenin müvafiq olaraq asetaldehid və asetona oksidləşdirici çevrilməsində nisbətən yüksək aktivlik göstərir. Aşağıdakı proseslər üçün yüksək effektivli metal seolit katalizatorları da sintez edilmişdir: metanın etilenə, propanın asetaldehid və formaldehidə, metanın etilen və asetilenə və metanın 1,4-butandiola oksidləşdirici çevrilməsi prosesləri

doi.org/10.32737/0005-2531-2022-1-13-21