Məqalədə alifatik və politsiklik karbohidrogenlərin oksidləşmə reaksiyalarında çoxdivarlı karbon nanoboruların (ÇDKNB) katalitik aktivliyi öyrənilmişdir. Katalitik aktivliyi müəyyən etmək üçün hər birinin tərkibində 22.8% Fe olan ÇDKNB katalizatorlarından istifadə edilmişdir. Katalizator nümunələri CVD üsulu ilə müəyyən edilmiş optimal şəraitdə propan qazından sintez edilmişdir. Eksperimentlər 5 müxtəlif temperaturda (60⁰C, 80⁰C, 100⁰C, 120⁰C, 140⁰C) 2 saat ərzində həyata keçirilib. Nisbətən aşağı temperaturlarda hər iki karbohidrogenin oksidləşmə reaksiyasında hiss edilə biləcək bir dəyişiklik müşahidə olunmamışdır. Dekalinin oksidləşməsində reaksiya temperaturu 120⁰C və 140⁰C-yə yüksəldikdə isə artıq oksidləşmənin baş verdiyini, temperaturun artması ilə reaksiyanın sürətinin düz mütanasib olduğu müşahidə olunmuşdur. Eyni tendensiyanı tetradekanın ÇDKNB iştirakında 120⁰C və 140⁰C temperaturlarda oksidləşmə reaksiyasında görmək mümkündür. Lakin dekalindən fərqli olaraq tetradekanın oksidləşməsində ÇDKNB nümunəsi optimal katalitik aktivliyi 120⁰C-də özünü göstərib. Halbuki, oksidləşmənin baş verdiyi bu temperaturlarda dekalinin və tetradekanın katalizatorsuz mühitdə oksidləşməsi demək olarki baş vermir

doi.org/10.32737/0005-2531-2022-3-87-92