Məqalədə məişət tullantılarının "dib külü"nün miqdarının polipropilen əsaslı kompozitlərin əsas fiziki-mexaniki xassələrinə təsirinin öyrənilməsinin nəticələri təqdim olunur. Dartılmada möhkəmlik həddi, dartılma axıcılıq həddi, əyilməyə qarşı davamlılıq həddi, nisbi uzanma, istiliyə davamlılıq və ərintinin axıcılıq göstəricisi kimi xüsusiyyətlər tədqiq olunmuşdur. Müxtəlif dispersliyə malik "dib külü"ndən istifadə olunmuşdur: 75–110 nm, 300–500 nm, 1200–2000 nm. "Dib külü"nün miqdarından və dispersliyindən asılı olaraq xassələrin dəyişmə qanunauyğunluğunun tədqiqinin nəticələri nanokompozitlərin üstünlüyünü göstərmişdir. Kompozitlərin tərkibinə kompatibilizatorun daxil edilməsi möhkəmlik göstəricilərinnin əhəmiyyətli dərəcədə yaxşılaşmasına kömək etmişdir
doi.org/10.32737/0005-2531-2022-3-51-56