Cu₂GeSe₃ birləşməsi və onun əsasında fazalar ekoloji təhlükəsiz termoelektrik və fotovoltaik materiallar kimi böyük maraq kəsb edirlər. Məqalədə bu birləşmənin elektrik hərəkət qüvvəsi (EHQ) üsulu ilə termodinamik tədqiqinin nəticələri təqdim olunur. Cu⁺ keçiriciliyə malik Cu₄RbCl₃I₂ bərk elektrolitindən istifadə etməklə tərtib olunmuş mis elektroduna nəzərən qatılıq dövrələrinin elektrik hərəkət qüvvəsi 300-450 K temperatur intervalında ölçülmüşdür. Alınmış təcrübi nəticələrə  əsasən faza diaqramının Cu₂GeSe₃-GeSe₂-Se üçfazalı sahəsindən götürülmüş tarazlıq ərintilərində misin parsial molyar funksiyaları, həmçinin Cu₂GeSe₃ birləşməsinin standart əmələ gəlmə termodinamik funksiyaları və standart entropiyası hesablanmışdır. Əldə edilmiş nəticələrin mövcud ədəbiyyat məlumatları ilə müqayisəli təhlili aparılmışdır

doi.org/10.32737/0005-2531-2023-1-108-114