Y₂O₂S–Ga₂S₃–Tb₂O₂S kvaziüçlü sistemlərdə kvazibinar (yan) və qeyri- kvazibinar politermik kəsiklərin tədqiqindən alınan nəticələr əsasında qurulan likvidus səthinin proyeksiyası göstərir ki, burada kimyəvi qarşılıqlı təsir xarakteri nisbətən sadədir. Belə ki, kvaziüçlü sistemin Ga₂S₃–Y₂O₂S və Ga₂S₃–Tb₂O₂S tərəfləri hər iki komponent əsasında məhdud qatılıqda həllolma olan kvazibinar evtektik sistemdir. Y₂O₂S–Tb₂O₂S tərəfində fasiləsiz bərk məhlul sahəsi əmələ gəlir. Deməli Y₂O₂S–Ga₂S₃–Tb₂O₂S kvaziüçlü sistemində kristallaşma nonvariant üçlü nöqtədə yox, aşağı temperaturlu ikili nonvariant (burada ikili evtektika e1) nöqtəsində qurtarır

doi.org/10.32737/0005-2531-2023-1-55-63