Tərkibi nikel, palladium, platin keçid metallarının duzları və funksional qruplar təşkil  edən vinilpiridin polimerləri ilə hazırlanan metalpolimer komplekslərinin iştirakı ilə  benzolun maye fazada hidrogenləşmə reaksiyası öyrənilmişdir. Reaksiyada poli-4-vinilpiridin və poli-2-metil-5-vinilpiridin istifadə olunmuşdur. Hidrogenləşmə reaksiyası 20-60⁰C temperaturda aparılır. Poli-4-vinilpiridin iştirakında  benzolun hidrogenləşmə prosesinə mühitin təsiri öyrənilmişdir. Müəyyən edilmişdir ki, platin-poli-4-vinilpiridin kompleksi iştirakında benzolun maye fazada hidrogenləşməsi reaksiyası zamanı tam hidrogenləşmə məhsulu ilə yanaşı,  natamam hidrogenləşmə məhsulu – tsikloheksen alınır. Həmçinin mühitin təbiətinin tsikloheksan və tsikloheksenin çıxımına selektiv və effektiv təsiri öyrənilmişdir

doi.org/10.32737/0005-2531-2023-2-97-103