Məqalədə quruluşəmələgətirici ilə modifikasiya olunmuş yuxarı və aşağı sıxlıqlı polietilen qarışığı və alüminium hidroksid əsasında olan kompozitlərin kristallaşmasının dilatometrik tədqiqinin nəticələri təqdim olunmuşdur. Alüminium hidroksidin miqdarının xüsusi həcmin, sərbəst xüsusi həcmin temperaturdan asılılığının dəyişməsinin qanunauyğunluğuna təsiri tədqiq olunmuşdur. Kompozit materialların kristallaşmasının başlanğıc temperaturu və şüşələşmə temperaturunun təxmini qiymətləri müəyyən edilmişdir. Tədqiqatlar IIRT-1 cihazında əsasında düzəldilmiş dilatometrdə 5.3 kq yük altında nümunələrin pilləli soyudulması prosesində aparılmışdır. Alüminium hidroksidin miqdarı 1–30 kütlə % aralığında dəyişdilirmişdir. Yuxarı və aşağı sıxlıqlı polietilenlər qarışığı 50/50 nisbətində götürülmüşdür. Titan dioksidin 1.0 kütlə % miqdarı quruluşəmələgətirici kimi istifadə edilmişdir. Müəyyən edilmişdir ki, alüminium hidroksid midarının artımı ilə polietilen qarışığı əsasında olan modifikasiya olunmuş kompozitlərin kristallaşmasının başlama temperaturu dəyişməz qalıb 1050C-ə bərabər olmuşdur. Polimer qarışığın tərkibində alüminium hidroksidin miqdarının artması ilə kompozitlərin sıxlığının müntəzəm artması müşahidə olunmuşdur
doi.org/10.32737/0005-2531-2023-2-69-77