İşdə rentgen difraksiyası və diferensial termiki analizi üsullarından istifadə etməklə uzunmüddətli termiki emal olunaraq kristallaşdırılmış ərintilərin eksperimental tədqiqi, habelə ədəbiyyat məlumatları nəzərə alaraq Cu₂Se-Cu₃AsSe₄-As₂Se₃ sistemində faza tarazlığının tam mənzərəsi alınmışdır. Likvidus səthinin proyeksiyası, faza diaqramının 500 K-də izotermik və üç politermik kəsikləri qurulmuş və müzakirə edilmişdir. Fazaların ilkin kristallaşma sahələri, invariant və monovariant faza tarazlıqlarının növləri və koordinatları müəyyən edilmişdir. Tədqiq edilən sistemin yan Cu₂Se-As₂Se₃ sistemi yenidən tədqiq edilmiş və onun dəqiqləşdirilmiş faza diaqramı qurulmuşdur. Göstərilmişdir ki, bu sistem kvazibinardır və üçlü Cu₃AsSe₃ və CuAsSe₂ birləşmələrinin əmələ gəlməsi ilə xarakterizə olunur.

 doi.org/10.32737/0005-2531-2024-3-83-93